mute li ante lili e pilin jan

"Scope Insensitivity"

tenpo wan la, jan pali sona li lanpan sona tan kulupu jan tu wan. ona li toki e ni tawa kulupu nanpa wan: “sina pana e mani mute seme tawa pali pi waso 2,000 awen?” tawa kulupu nanpa tu la, mute waso li 20,000. tawa kulupu nanpa tu wan la, mute li 200,000.

kulupu nanpa wan li pana e mani $80. kulupu nanpa tu li pana e mani $78. kulupu nanpa tu wan li pana e mani $88. mute waso li ante lili e wile pana jan!

sama ni la, jan pi ma tomo Towano li pana mani tawa pona pi telo lili lon ma lili anu telo lili pi ma suli. taso, mute mani pi ma lili li sama mute mani pi ma suli. suli mi li ante lili e wile pana jan!

lukin pilin jan li ni: waso wan li pilin ike, li jo ala e wawa, li lon telo pimeja, li ken ala tawa. sitelen ni li pali e pilin. wile pana li tan pilin ni. taso, mute waso li ante ala e pilin ni. jan li ken ala lukin pilin e waso 2,000 anu waso 20,000.

tenpo mute la, mute mani li suli sama mute pi sitelen 0. ken la tenpo pi lukin e sitelen nanpa li ante e wile pana.

ken ante la, jan li pana e mani tawa ni: jan li wile pilin pona. taso, pilin pona li tan mute mani pana taso. pilin pona li tan ala e mute waso.

ni li sama tawa kon jan. jan li pali e mani $3.78 tawa awen pi kon jan 0.004 lon kulupu pi jan 1000; li pali e mani $15.23 tawa awen pi kon jan 2.43.

jan li pali e pali pi sijelo pona lon ma Luwanta. ona li toki e “mi li awen e kon jan 4,500 lon kulupu pi jan 11,000” la jan li pana e mani mute. taso, ona li toke e “mi li awen e kon jan 4,500 lon kulupu pi jan 250,000” la jan li pana e mani lili. mute jan lon kulupu li ante e mute mani; mute jan awen li ante ala.

o sona e ni: sina wile pana e mani la, sina wile kepeken e nasin sona. sina wile ala kepeken e pilin sina taso.